[A:6a]pa bco brgyad ni/ /dul ba'i lhas/ shar dang nub dang gangs ri dang / /zhes sogs gsungs pa'i don/ phal chen pa la/ shar du gnas pa/ nub du gnas pa/ gangs rir gnas pa gsum ni yul gyi phye ba yin la/ 'jig rten las 'das par smra ba/ rtog par smra ba gnyis ni don gyi phye ba'i sde pa ste lnga'o/ /thams cad yod par smra ba'i sde pa la/ /gzhi kun yod par smra ba'i sde dang / 'od srung gi sde dang / sa ston gyi sde dang / chos srung gi sde dang / mang du thos pa'i sde dang / rnam par brlag pa'i sde/ gos dmar can gyi sde ste lnga ni slob dpon gyis phye zhing / 'phags pa gnas brtan pa la/ rgyal byed tshal du gnas pa/ 'jigs med du gnas pa/ gtsug lag khang du gnas pa gsum ste/ gnas kyi sgo nas phye ba gsum mo/ /mang pos bskur ba la sa sgrog rigs dang / srung ba pa dang / gnas ma bu pa'i sde pa ste don gyi sgo nas phye ba gsum mo/ /gnyis pa theg chen thun mong ma yin pa'i bsdus tshul ni/ rgyal po'i khab kyi lho phyogs bhi ma la sam bha ba zhes pa'i ri la/ rgyal sras 'bum phrag bcu 'dus ste/ 'jam dpal gyis mngon pa/ byams pas 'dul ba/ phyag na rdo rjes mdo sde bsdus zhes grags so/ /rtog ge 'bar ba las kyang / theg pa chen po sangs rgyas kyi gsung yin te/ rtsa ba'i sdud par byed pa po kun tu bzang po dang / 'jam dpal dang / gsang ba'i bdag po dang / byams pa la sogs pa rnams kyis bsdus pa'i phyir ro/ /bdag cag gi rtsa ba'i bsdus par byed pa po nyan thos ni ma yin te/ theg pa chen po'i