[A:5a]su bsdus/ zhes gsungs pa ltar mdzad pa'i gtso bo rnams yin la/ de dag la yang 'dren tshul mi 'dra ba 'ga' re 'dug kyang rgyud bla las gsungs pa ltar yin no/ /mdzad pa bcu gnyis rgyas par ni/ rgya cher rol pa/ mdo mngon byung / 'dul ba lung rnams las 'byung zhing / bod kyis mdzad pa'i chos 'byung sogs rgyas bsdus mang du snang ba rnams las shes shing / 'dir mang pas ma spros so/ /de'i bka' ji ltar bsdus pa la gnyis/ theg pa thung mong ba dang / theg chen thung mong ma yin pa'i bsdus tshul lo/ /dang po la bka' bsdu rim pa gsum las/ dang po ni/ dus ston pa mya ngan las 'das pa'i phyi lo de/ gnas rgyal po'i khab nya gro ta'i phug tu sbyin bdag rgyal po ma skyes dgras mdzad nas/ tshogs pa dgra bcom pa lnga brgya dbyar gnas mdzad de/ kun dga' bos mdo sde/ nye ba 'khor gyis 'dul ba/ 'od srung chen pos mngon pa rnams bsdus shing / dgos pa lha rnams kyi 'phya ba bsal ba dang / bstan pa yun ring du gnas pa'i phyir du bka' bsdu dang po mdzad do/ /gnyis pa ni/ dus ston pa mya ngan las 'das nas lo brgya dang bcu na/ gnas yangs pa can du/ sbyin bdag chos rgyal mya ngan med kyis mdzad de/ tshogs pa dgra bcom pa bdun brgya 'dus te/ dgra bcom grags pa dang / thams cad la sogs pas sde snod gsum zhal 'don du mdzad de/ dgos pa rung ba ma yin pa'i gzhi bcu bsal ba dang / /bstan pa yun ring ru gnas pa'i phyir bka' bsdu gnyis pa mdzad do/ /bsdu ba gsum pa lung na med pas