[A:56b]kyi nang nas chos rgyud 'dzin pa'i mchog sne'u zur ba yin te/ 'di'i lo rgyus cung zad 'og tu 'chad do/ /de rnams rnal 'byor ba dang thun mong ba'i slob ma yin kyang / dgon pa ba'i bu chen du yi ge rnying ma rnams su bgrang pa bzhin 'dir yang bkod pa yin no/ /kha rag sgom chung ni/ gtsang du sku 'khrungs/ lam po gnas su mkhan po mar sgom las rab tu byung ste/ mtshan dbang phyug blo gros su btags/ dang po sba sgom bsod nams ye shes bya ba jo bo'i slob ma cig la chos gsan/ de nas ra sgreng du byon lo drug bzhugs nas/ rnal 'byor pa dang / dgon pa ba gnyis la chos mang du gsan/ sgom chung pa'i thugs dgongs la/ da ni rang gis kyang chig skya thub ste 'ong snyam ste/ nyung ma'i sa bon phul gang khyer nas spras kyi sne'u ke ru ru byon/ dbyar lo thug gsol/ dgun nyung thug la phye bun re btab nas gsol gyin lo bcu gcig sgrub pa rtse gcig tu mdzad/ de nas kha rag tu byon nas sgrub pa mdzad pas/ kha rag sgom chung ngu grags/ kha cig mtho chos dang / aM yig bdun cu rnams spras brag rgyab tu mdzad zer te/ rnam thar na kha rag shar du mdzad gsungs so/ /'dis rnal 'byor pa gong 'og gi gsung la rten nas lam rim don tshan bcu gnyis su bsdus pa mdzad de/ kha rag bskor gsum du grags pa'i gcig yin no/ /bdun cu rtsa lnga la gtsang gi phug nag po bya bar gshegs khar/ lho pa la skyes pa'i yul spongs/ nye du dang thag bsrings/ bshes gnyen rtag tu bsten/ hrul po'i gos gyon/ dman pa'i sa zung / ngan pa'i zas zo/ lo tshod chu bzhin du