[A:56a]pa chen pos ston pa yang lo dgu bsten/ ra sgreng gi gdan sa lo bcu gnyis mdzad pa'i ring / dgon pa gong nas phyir byon/ da lta dbu rtse ka ba bcu drug ma'i sa der gzim chung mdzad/ de dus zhang phreng kha zer chung gi sras dgra bcom/ de'i sras ber brgyud dar ma ye shes kyis ka gnyis ma'i khyams rmad/ khyams chung / nag tshang gsum mdzad de rab gnas rnal 'byor pa chen pos mdzad/ grwa sa mang du btsugs/ gdul bya du ma smin par mdzad de dge 'dun sam brgya tsam 'dus/ drug cu rtsa gnyis pa 'brug lo rgyal zla'i tshes brgyad la ra sgreng nas gshegs/ dpe la lar/ rta lo ba yos la gshegs pas bdun cu tham pa bzhugs zer ba yang snang ngo / /de nas dpal ldan dgon pa ba gdan sar bskos/ ston pa yang lo dgu bsten pa rnal 'byor pa dang 'dra/ ra sgreng gi gdan sa lo bcu mdzad/ dgon pa gong du bzhugs nas/ sne'u zur ba la sogs pa'i slob ma mang du smin par mdzad de drug cu rtsa bdun pa khyi lo'i mngon par byang chub pa'i nya la ra sgreng du gshegs/ dgon pa ba la slob ma mang du byon pa'i mchog bu chen bcu ni/ klung shod rug pa'i zhang ka ma ba shes rab 'od/ kha rag sgom chung / rog chor bu ba smra ba'i seng ge mtha' bzhi sgom pa/ 'phan yul rgyal du snyan sna mo ba dang / 'bri go te lung pa tshul khrims skyabs gnyis/ dar yul du chu sgom gzhon nu snying po dang / tshul sgom ye shes rgyal mtshan gnyis/ 'phan yul gnya' ra sman 'dzar/ 'gar 'dul 'dzin/ spras mthong pa sar sne'u zur ba rnams so/ /de rnams