[A:57a]'thungs la sgrub pa gyis gsungs pa'i gdams ngag gnang ste/ rus pa lhag ral rol tsho bsdus la/ byang ra sgreng na dpal ldan dgon pa ba'i sku 'bum yod pa/ de'i grib ma dang ser bu phog sar skyol cig gsungs te/ de ltar byas so/ /de nas ra sgreng du dpal ldan dgon pa'i rjes su/ po to bas gdan sa lo gsum mam/ gcig mdzad kyang zer te/ zhang chos rgyal la sogs pa khams pa ma rung pa 'ga' zhig gis bzhugs dbang ma byung pa dang / po to ba rang gi mnal lam du yang / zhing sa ma dul ba sogs byung bas/ der ma bzhugs par sku mched gsum po dka' thub kyi sgo nas ri sul rnams su drang srong gi spyod tshul gyis gnas nges med du thugs dam dang / gzhan phan gong 'phel mdzad pas/ ra sgreng du gdan sa la bar stong lo sum cu tsam dang / chos tshul la yang dar rgud cher byung / de nas sku mched gsum gshegs nas lo gcig gnyis na/ mtha' bzhi sgom pa bya ba/ ston pa la yang thug cing / sku mched gsum gyi slob ma yin pa/ yid dam gyi lha mang po zhal gzigs cing / gzhan don 'phrin las la dbang 'byor pa des bla ma'i gdan sa nyams pa'i gtam gsan pas/ ra sgreng du byon gnas tshul rnams gzigs te/ shar pa ba zho'i khang pa gnas na bzhugs pa dang / bya yul ba chen po/ glang ri thang pa/ ka ma pa/ lor sding po ba rnams kyi drung du byon nas/ khyed rnams bla ma'i gdan sa la phyir mig lta na dus la bab nas 'dug gsungs te bskul bas/ de rnams kyis grogs mdzad 'bul ba chen po byung ste/