[A:57b] ra sgreng du grwa tshang yang mang du btsugs/ bud med dang / ra lugs rnams phud/ chos khrims shin tu dam pa dang / dge 'dun mang po yang bzhugs par mdzad de chos srol cher btsugs/ tshogs dpon bshes gnyen mtha' bzhis lo shas su mdzad do/ /khyad par shar ba pas/ ka gnyis ma'i nub tu dbu rtse ka dgu ma gcig dang por bzhengs pa/ phyis dpon gyad pa dang / zer gu chos grags gnyis kyis mgo byas bzang 'dus bcu drug bya bas bdag rkyen byas nas/ ka chen bcu drug yod pa lho sgor bstan/ nyis thog gser 'bru/ gser bya gnyis dang bcas pa bzhengs/ de'i khyams sman sgang phyug po bya bas byas so/ /po to ba bzhud nas/ lo mang po'i bar du mtha' bzhi la sogs pa sgres pa res gral dbu tsam ma gtogs/ gdan sar ming btags pa dang / 'chad nyan sogs cher med la skabs zhig tu rngog blo ldan shes rab la phul bas/ gsang phu dang sbrel te lo kha yar du chos bar zla ba gcig gnyis tsam bzhugs pa yang mdzad do/ /de nas ka gnyis ma bzhengs nas lo dgu bcu rtsa gsum lon pa sa pho 'brug gi lo la ka ba nyi shu rtsa bzhi ma bzhengs pa'i sbyin bdag brang kha ber chung gi brgyud pa se'o gzhon tshul zhes pa/ spyir ra sgreng gi skor du zhabs tog cher mdzad/ khyad par dbu rtse ka ba nyi shu rtsa bzhi/ ka gnyis ma'i shar phyogs su bzhengs par 'dod pa la/ rin chen sgang du sangs rgyas dbon ston la sa spyad zhus pas/ shar nub nas rdo gnyis khyer shog gsungs te/ de la gzigs pas/ shar phyogs su klu'i