[A:58b]rgyal gyi ra'i phu chung du lcags mo lugs la 'khrungs/ rus zur tshang / yab yum 'byor pa chung yang gser zho do bsnams nas/ rgyal lha khang du zhang chen po la rab tu byung ste/ mtshan gzhon nu rgyal mtshan du btags/ khu ston la phar phyin 'grel pa don gsal tshar bco lnga dang / 'dul mngon la sogs pa mang du gsan te thos pa cher mdzad/ sne thang du jo bo la chos kyi 'brel pa zhus pas/ mi rtag pa rang 'khrungs su byung ste gang la yang zhen chags med pa'i blo skyes gsungs/ de nas ra sgreng du byon pas/ sku mched gzhan gnyis kyang byon te rten 'brel dang / pha rol tu phyin pa'i gdams ngag bslab phyogs/ spyod phyogs kyi skor rnams zhus/ lo bdun bsten/ khong rang la chos zhus mang du byung yang / sha zug bzang po rang bza' ba'i dus yin/ gzhan la ster ba'i dus min gsungs nas sgrub pa gtso bor mdzad pas/ bdag las gzhan gces pa'i byang chub kyi sems dang / chos thams cad bdag med par rtogs pa'i shes rab khyad par can 'khrungs/ yi dam mang po'i zhal gzigs/ nyams len byin rlabs kyi brgyud pa'i bka' gtso bor babs/ de nas sku mched gsum 'bral med du sgrub pa mdzad kyin bzhugs/ phyis yung nga'i phu chung du bzhugs nas kyang sgrub pa gtso bor mdzad de/ brag gi dkyil na gser bre yod pa mngon par mkhyen pa'i dgongs nas phyag 'khar gyis reg pas rang bye ste bton pa'i rjes dang / gzim khang gi nub na brag la phyag mdzub btsugs sar sgrub chu dang / zhabs rjes dang / dbu zhwa'i rjes