[A:59a]yin zer ba yang da lta bar du yod par grags/ 'di la slob ma grags che ba/ sha pho sgang pa dang / 'ban tshul khrims rgyal ba zhes pa sku lus ma spangs par mkha' spyod du gshegs pa dang / zhogs su 'khrungs pa sding pa shes rab rgya mtsho dang / zhogs phu'i karma brag pa rgyun du bzang spyod la zhal 'don mdzad pa la/ chu len dus bde ba can gyi zhing der rab tu 'gro /zhes pa'i skabs su mkha' spyod du gshegs pa sogs/ sgrub pa snying por mdzad pa nyi shu tsam byon no/ /spyir sku mched gsum grwa pa la res su chad pa med pas/ chos kyi 'brel pa la khyad par med do/ /de nas po to ba gshegs pa'i gdung cha lngar bgos te/ cha gcig dang / thugs bzhugs pa'i dngul gyi mchod rten khru bzhi pa cig byas pa/ phu chung pas gsan pas/ dngul las byas na nga'i grogs po'i gdung ma 'ongs pa na mi ngan gyi grog mor phung ngo 'ongs dogs 'dug ste/ da byas stings rab gnas nga la babs pas/ dbyar rgyal gyi do bo dgon par 'gro ba'i zhor la bya gsungs nas tshul khar rab gnas mdzad/ khyi lo'i ston yung nga'i phu chung du byon/ bdun cu rtsa drug bzhes pa rgyal zla'i nyi shu gnyis la gshegs/ la lar po do dgon par gshegs zer ba yang 'dug go /bshes gnyen po to ba ni/ 'khrungs yul spras bra 'o thang / gdung rus gnyos/ yab sku bshen srid la dbang phyug yum me mo bya ba'i sras su me mo yos la 'khrungs/ byis pa'i dus su yab kyi mchod gnas ma sgom bya ba la sgom bslab par zhus pas/ khong gi zhal nas/ thos pa en gcig