[A:61a]gyi snang ra sgang / gdung rus dbas/ yab shAkya rdo rje/ yum li mo ye shes sgron gyi sras su lcags mo bya la 'khrungs/ mtshan stag tshab 'bar du btags/ byis pa'i dus su yum gyi pang du khyer nas/ grong 'dul bya ba la phung po lnga'i rab byed gsan pas phung po 'di lngar 'byed tshod kyis mthar stong pa nyid du 'dug snyam du rang bzhin med pa'i don thugs su chud/ dgung lo bcu gnyis la gong mo snang pa bya ba/ rang bzhin gyi rnal 'byor ma cig byon rdzogs rim zab pa cig gnang nas 'di sgoms gsungs te mi snang bar gyur/ phyis de'i steng du sleb pa dpal ldan dgon pa bas gnang ba de min pa ma byung gsungs/ lo bco brgyad la tod lung tsha thog dgon par mal shes rab sems dpa' la rab tu byung / mtshan tshul khrims 'bar du btags/ der yum gyi rmi lam du dung dkar gcig bus pa 'dzam bu gling byin gyis thos pa cig byung bas/ nga'i bu de rab tu byung nas grags pa yang che ba cig 'ong bar 'dug gsungs/ slob gnyer mdzad dus tsha thog dgon par 'byon pa'i zhor la jo bo snye thang na mo cher bzhugs pa dang mjal te sems bskyed gsungs pa gsan de'i dus spyi bor phyag bzhag saMskr-i ta'i skad du bkra shis kyi tshigs bcad mang po mdzad/ gser gling pa'i bum pa padma'i mchu can gnang / nga'i chos brgyud 'dzin pa cig 'ong gsungs/ de nas lan tsha rab dang / rug par sde snod kyis gsan sbyong mang du mdzad/ rgya gar rdo rje gdan chos kyi 'byung khungs yin pas der 'byon dgongs te/ lo tsA dang rgya gar gyi yig sna mang du bslabs/