[A:62a]'o skol pha spad gnyis tsam yin gsungs pa'i yongs rdzogs rnal 'byor pas zhus sna mdzad de gsang sngags kyi chos mang po sku mched gzhan gnyis la thugs rgyus med par lkog chos su snang bas yongs rdzogs rnam 'byor pa de nga la drin che gsungs/ ston pa gshegs nas zang zing gi dgos skal med de/ chos kyi dgos skal nged gsum gyis thob gsungs/ de nas jo bo'i dngos slob grags che ba rnams la bsten pa'i dam bca' mdzad de/ rnal 'byor pa/ dgon pa ba/ shes rab rdo rje/ phyag dang ston pa sogs dang / gsang phur rngog legs shes la yang zla ba bco brgyad bsten/ ra sgreng du zla ba re la nas bre lnga la brten te sgrub pa mdzad dus/ yi dam gyi lhas/ rigs kyi bu dal 'byor gyi mi lus thob pa dran nam gsungs nas/ mnal sangs te nyin mtshan g.yel med du thugs dam mdzad pas/ rnal 'byor pa'i zhal nas/ bu khams bag re bsang gsungs pas/ dal 'byor rnyed par dka' ba 'di bsam na/ skad cig kyang g.yel ma nus gsungs/ bskyed rim la brtan pa thob par rang lus mi g.yo ba'i skur gzigs/ mi g.yo ba'i bsnyen pa dung phyur dgu song / spyan ras gzigs padma gar dbang dang / 'jam dpal brtan pa'i 'khor lo la sogs pa zhal gzigs/ pha 'ong thang du grub chen klu'i byang chub dang mjal/ chos zhu dgongs pa na mi snang par gyur/ rang dad gus chung pa yin nam dgongs nas/ bdag byin rlabs kyi sgor bzhugs nas gsol ba btab pas/ dngos su byon nas byin gyis brlabs/ chos