[A:62b]bzhi tshan bzhi la sogs pa gsungs pa ni/ gnyid dang rmi lam gyi dpes/ snang ba 'di 'khrul par shes pa'i rnal 'byor/ chab dang chab brol gyi dpes/ snang stong dbyer med du shes pa'i rnal 'byor/ bu ram gyi mi gzugs kyi dpes/ snang grags kyi chos thams cad ro gcig tu shes pa'i rnal 'byor spyod pa pha rol tu phyin pa drug la bslab gsungs/ thams cad sems su rtogs pas chos thams cad la skur pa mi gdab sems sangs rgyas su rtogs kyang dge ba'i bshes gnyen mi spangs/ rang la 'khor ba dang ngan song gi dogs pa med kyang sdig pa mi dge ba phra mo tsam yang spangs/ rang dang sems can tha dad med par rtogs kyang sems can thams cad la snying rje chen po mi spang gsungs/ ting nge 'dzin sems la zhogs/ yang dag don la ltos/ byams dang snying rje bsgom/ lha sku 'ja' tshon lta bur sbyongs gsungs/ a skye ba med pa/ rlung mtshan ma med pa/ sems rang bzhin med pa/ re shig lus la brten pa yin zhes sogs mang du gsungs so/ /de nas sku mched gsum so sor byon nas/ rlung shod phyor ba sogs gnas nges med du gzhan don rgya cher mdzad/ dgung lo drug cu la nyan du phebs/ ra sgreng btab nas lo ngo nyi shu rtsa lnga 'gro ba'i lcags mo bya lo la/ jo bo yab sras kyi lung bstan pa/ lo'i gtsug lag khang gsang ba 'dus pa'i thig btab nas rmang bting / dbu rtse khyams stod dang bcas pa dang / 'gran gyi do med lnga la sogs pa bzhengs nas de'i dus glang ri thang pa/ nyan gyi tshan par dpon slob stong tsam dang / shar ba pa