[A:63a]slob ma mang po bcas te chos gsan cing / mkhar las kyi grogs mdzad pas dgon pa myur du grub/ dbu rtse'i rgyab tu sgrub chu dang / bkris mched lnga'i bla ye'i rab gnas la na ga bho dhi dngos su spyan drangs tshul sogs kyi snyan grags kyang 'byung ngo / /lor lo brgyad bzhugs/ dge 'dun bdun brgya tsam 'dus/ lo nas snyug grum dgon par 'byon pa'i lam du/ pha bong dkar leb bya ba'i steng nas bya yul gyi rgyab ri gzigs pas/ ri de rgyal ba'i gtsug tor 'dra/ /yan lag brgyad ldan chu bo 'bab/ /de yi shar lho phyogs mtshams na/ /tshe dang ldan pa'i dgon gnas yod/ /ri bya yul pha gi'i thad du gtsug lags khang bzhengs nas sems can la phan pa rgya chen po gyis/ zhes lung bstan/ der zhabs rjes kyang byon/ de nas snyug grum du lo gsum bzhugs bla ma dang yi dam mang po zhal gzigs/ nga ni tshogs yongs su rdzogs pa'i gang zag yin/ nga'i rdo rje'i gdan 'di yin gsungs so/ /gtsang pa rin po che'i zhal nas/ bar dor mchog gi dngos grub brnyes pa'i gsungs yin gsungs so/ /dgung lo don gcig bzhes pa/ lug lo'i smin drug zla ba'i nyer gnyis snyug grum du gshegs/ 'di la slob ma'i mchog bsgom bzhi/ 'gran gyi do med gsum la sogs pa bka' gdams gdam ngag pa'i srol 'dzin byon tshul 'og tu 'chad do/ /de yang sku mched gsum po 'di khong rang gsum gyi gsung ltar na gnas brtan chen po bcu drug gi rnam 'phrul du byed/ rigs gsum mgon po'i sprul par byed pa ni/ lam yig las/