[A:63b] bal yul gyi 'phags pa shing kun la nam gyi gung mi ma yin rnams skor ba byin pa'i khrod du rdo rje phag mo'i grub pa thob pa gcig gis skor ba byas pas gling bu'i skad 'dra ba'i glu las/ sngon dang sngon gyis dus tsa na/ /thugs dgongs bla na med pa de/ /jo bo a ti sha la yod/ /rtogs pa bla na med pa de/ /jo bo a ti sha la yod/ /da lta ma rig 'khrul par 'khyams/ /zer ba dang / yang / a ti sha yi gdung tshob pa/ /'phags pa sku mched gsum po yin/ /cig tsam lho brag mtshams na yod/ /'phags pa 'jam dpal gnyis su med/ /cig tsam bal po'i yul na yod/ /'phags pa wa ti gnyis su med/ /cig tsam mang yul grong na yod/ /'phags pa pu gang gnyis su med/ /zer ba gsan pas de'i don ni brten de rnams rigs gsum mgon po dngos dang khyad med pas/ de rnams gyi sprul pa yin par byed/ ces bla ma gong ma rnams kyi gsung las 'byung ba dang / yang bka' gdams glegs bam gyi rgyal bu chags pa med pa'i skyes rabs las/ bla la chags pa med pa'i zhal nas/ sras kyi snying po chags pa med/ /bdag gi rab 'byin mgon po gyur/ /de bzhin khye 'u stong phrag dag /lnga rdo snyigs ma ma rung tshe/ /khyed kyis srid 'dzin 'gro ba skyong / /mtha' 'khob yul gyi dbus su byed/ /rin chen phreng ba bstan pa'i dpal/ /nor bu rtsegs pa bzhin du skyong / /sa bcu'i mgon po 'jam pa'i dpal/ /bstan pa rin chen gsal bar byed/ /sa bcu'i dbang phyug spyan ras gzigs/ /ston pa'i rgyal