[A:64a]mtshan 'dzin par byed/ /sa bcu'i dbang phyug rdo rje 'dzin/ /tshul khrims me lce rab 'bar te/ /'chal pa'i bud shing bsreg par byed/ /ces gsungs pas kyang rigs gsum mgon pa'i sprul par grub pa yin no/ /de ltar bshes gnyen ston pa la/ las can gyis slob ma brgyad cu tsam/ mtsho la padmas brgyan pa ltar byon pa las/ chos kyi brgyud pa 'dzin pa'i mchog 'phags pa sku mched gsum yin no/ /gsum pa de las 'phel ba'i slob brgyud byon tshul la gnyis/ po to ba nas brgyud pa/ bka' gdams gzhung pa'i slob ma rnams byon tshul/ rje spyan snga nas brgyud pa bka' gdams gdam ngag pa'i slob ma rnams byon tshul lo/ /dang po ni/ po to ba la spyir slob ma mang du byon kyang / grags che ba mtha' chen brgyad/ dbus kyi nyi zla zung gcig ces pa ltar na/ gtsang du ram snang gnyis/ mnyal du gling gnyos gnyis/ dol du 'be rog gnyis/ khams su bya phag gnyis dang / dbus su glang shar gnyis rnams yin la/ bka' babs brgyad du byed na/ bya phag gnyis mi 'dren par/ byams snying rje byang chub kyi sems bdag gzhan brje nus pa'i bka'/ glang ri thang pa rdo rje seng ge la babs/ bka' 'gyur ro cog la gzhung bshad 'chad pa thams cad mkhyen pa'i ye shes la mnga' bsnyes pa 'dra ba yod pa'i bka'/ shar ra ba yon tan grags la babs/ gsung rab thams cad skyes bu gsum gyi gdams ngag tu dril nas/ sman pa mkhas pas nad brtags te nad thog tu sman btang ba 'dra ba yod pa'i bka'/ snang gre'u