[A:64b]lhas pa ye shes rgyal mtshan la babs/ stong nyid kyi blta bas dngos po dang mtshan mar 'dzin pa thams cad 'jig nus pa yod pa'i bka'/ ram sdings ma ba 'byung gnas rdo rje la babs/ rtsod pa paNDi ta'i rgol ba yang bzlog nus pa yod pa'i bka'/ dol pa shes rab rgya mtsho la babs/ bla ma la sangs rgyas dngos kyi mos gus rgyun chad med pa'i bka'/ gnyal pa chos 'bar la babs/ dang tshugs mchog zung cig la 'gran nus pa yod pa'i bka'/ grab pa yon tan 'od la babs/ rgyun du dkon mchog gi drung du mchod pa khra lam me ba 'bul ba yod pa'i bka'/ dge bshes brag dkar ba la babs so/ /de yang glang ri thang pa ni/ 'khrungs yul 'phan yul gnya' gong gser ma gshong / yab jo bo dar ma mdo bzang gi sras su rta lo la 'khrungs/ rus zhugs tshangs/ khong rang gi zhang bo bshes gnyen grog mo mkhar pa la rab tu byung / mtshan rdo rje sengger btags/ rgyal ba 'od dpag tu med pa'i sprul par byed la/ sngon lo tsA ba ka ba dpal brtsegs su sprul nas bstan pa cher gsal bar mdzad cing / 'dir gdul bya blo dman pa rnams kyi ngor/ dang po shin tu bkren pa'i tshul mdzad de/ lo na spyan snga ba la chos gsan dus/ yos par ba res gdan non mdzad kyin bzhugs/ de nas bsod snyoms mdzad pa'i bsnyen pa gang byung spyir dge 'dun dang / khyad par po to ba dpon slob la drangs pas/ sku bsod skyes pa ltar mdzad de/ grwa pa nyis stong tsam 'tshogs pa'i rgyags khong rang gis gnang / gnas nges med du bshad sgrub zung 'brel