[A:66a] sha ra ba rnams la bka' gdams zhal brgyad du grags so/ /ram sdings ma ba 'byung gnas rdo rje ni/ khong la rnam thar che chung gsum 'byung ba'i skye ba bcu drug pa'i rnam thar du bdag nyid ting nge 'dzin la mnyam par bzhag tsa na/ bskal pa stong gi skye ba dran te/ yab yum/ bla ma dang / chos gang la bzhugs pa/ rus dang rigs dang / gnas dang sa phyogs thams cad kyang dran/ dus rgyun du sa le ba ni/ skye ba bcu drug dran no zhes gsungs la/ gtsang du ram sdings ma ba yi chos sde btab/ gzhi bdag gi mdzo mo dkar mo cig phul ba sa la thim pas/ chu mig khyad par can zhig byung ste/ rgya gar gyi mda' chu khron pa skyes dang khyad med sus 'thungs kyang rgyal gsungs/ lho brag sdings ma ba de'o/ /dol pa shes rab rgya mtsho ni/ jo bo dol du phebs dus yul 'di nas byang chub sems dpa' rtags mtshan can zhig 'byung / zhes lung bstan te/ phag lo la 'khrungs/ zhogs ya gad kyi gtsug lag khang bzhengs/ be'u bum sngon po'i rtsa tshig sogs mdzad/ dol pa dmar gzhung du grags te/ 'khor nyis stong tsam 'dus/ bdun cu rtsa gsum pa phag lo rgyal zla'i tshes bcu gsum la gshegs/ slob ma che ba bde gshegs phag mo grub pa sogs byon kyang / chos brgyud 'dzin pa'i mchog lha don stong pa dang / de'i slob ma 'bri sgang pa sogs yin no/ /lha don steng pas be'u bum sngon po'i rtsa tshig 'grel pa mdzad do/ /grab pa yon tan 'od ni/ 'phan yul grab tu 'khrungs/ bzhugs gnas