[A:66b]grab phu'i pho brang sdings te/ khong rang gzhon dus nas thos pa che bas/ dang po po to ba la chos kyi tshod ltar byon kyang / phyis mi phyed pa'i dad pa skyes te/ lkog chos lo bcu drug gsan/ po to ba'i gsung bgros bsgrigs pa/ dpe chos rtsa 'grel mdzad do/ /dge bshes brag dkar ba ni/ spre'u lo la 'khrungs/ 'khor bzhi brgya tsam 'dus/ dpe chos gsan pa'i ched du grab pa'i slob ma mdzad/ brgyad cu thams pa yos lo'i dgun zla tha chung gi nyer gnyis la gshegs/ de'i slob ma slob dpon byang chub snang ba pa/ de'i slob ma grub thob gces sgom/ de'i slob ma skyer sgang pa la sogs pa byon no/ bka' babs rnams kyi nang nas zhang ston sha ra ba po to ba'i chos srol 'dzin pa'i mchog ste/ 'di la slob ma'i mchog bka' babs lngar grags pa ni/ byang chub thugs kyi bka' babs bya 'chad kha ba/ byin rlabs kyi bka' babs gtul ston blo gros grags/ gzhung bshad kyi bka' babs dam pa stabs kha ba/ rnam thar gyi bka' babs nyi ma'i 'dul 'dzin/ longs spyod kyi bka' babs rnal 'byor shes rdor ro/ /dang po bya 'chad kha ba ni/ 'khrungs yul lo ro/ gdung rus ja/ yab 'phags pa skyabs/ yum bsod nams skyid kyi sras su sbrul lo la 'khrungs/ slob dpon dwags po gtsang 'dul la rab byung zhus/ mtshan ye shes rdo rjer btags/ gnyal du ngor rje btsan po'i chos 'khor la byon pas/ ba ri lo tsA ba/ rngog lo tsA ba sogs sde snod 'dzin pa mang po/ grub mtha'i rnam dbye 'byed pa