[A:68b]lug lo zla ba dgu pa'i nyer gcig la spyil bur gshegs/ lha brag kha ba ni/ jo bo shAkya bkra shis kyi sras su khyi lo la 'khrungs/ lha 'gro mgon dang mjal te rab tu byung / mtshan ye shes blo gros su btags/ sbas pa ston gzhon sogs la chos rnams rdzogs par gsan/ 'chad kha spyil bu'i gdan sa mdzad/ sum cu rtsa bdun la gshegs/ de nas jo 'phel gyi sras lha dbang phyug ye shes/ 'brug lo pa/ zur khang pa snga bar grags pas gdan sa mdzad de drug cu la gshegs/ de nas grags pa rin chen gyi sras lha blo gros 'od bya lo pa/ gdan sa lo bzhi bcu mdzad de/ lha rin chen seng ge mkhan chen sengge rgyal mtshan sogs smin par mdzad/ drug cu rtsa bzhi la gshegs/ mkhan chen sengge rgyal mtshan pa'i sku che ba'i yon tan rnams/ jo bo brtan sgom dpal gyis byas pa'i rnam thar du gsal la/ de la slob ma rje btsun ye mgon pa/ byang sems ra sgreng pa shAkya bsod nams sogs mang du byon no/ /rgya yangs pa thang pa ni/ gdung rus rgya/ mtshan nyi ma dbang phyug spang pa'i dgon pa btab/ dgung lo lnga bcu bzhugs/ de nas gdan sa yang mang du nyan lha sdings pas nyan gyi lha sdings btab/ blo sbyong gi bla ma brgyud par ram pa lha sdings pa zhes 'byung la/ stod lung mdar ram pa lha sdings zhes pa'i dgon pa yod pas/ 'di dang bla ma gcig mi gcig brtag par bya'o/ /ram pa lha sdings pa nas/ sangs rgyas dbon/ slob dpon yon tan dpal/ mkhan chen bde pa dpal/ mkhan chen bka' bzhi ba/ rin po che