[A:༦༨བ]ལུག་ལོ་ཟླ་བ་དགུ་པའི་ཉེར་གཅིག་ལ་སྤྱིལ་བུར་གཤེགས། ལྷ་བྲག་ཁ་བ་ནི། ཇོ་བོ་ཤཱཀྱ་བཀྲ་ཤིས་ཀྱི་སྲས་སུ་ཁྱི་ལོ་ལ་འཁྲུངས། ལྷ་འགྲོ་མགོན་དང་མཇལ་ཏེ་རབ་ཏུ་བྱུང་། མཚན་ཡེ་ཤེས་བློ་གྲོས་སུ་བཏགས། སྦས་པ་སྟོན་གཞོན་སོགས་ལ་ཆོས་རྣམས་རྫོགས་པར་གསན། འཆད་ཁ་སྤྱིལ་བུའི་གདན་ས་མཛད། སུམ་ཅུ་རྩ་བདུན་ལ་གཤེགས། དེ་ནས་ཇོ་འཕེལ་གྱི་སྲས་ལྷ་དབང་ཕྱུག་ཡེ་ཤེས། འབྲུག་ལོ་པ། ཟུར་ཁང་པ་སྔ་བར་གྲགས་པས་གདན་ས་མཛད་དེ་དྲུག་ཅུ་ལ་གཤེགས། དེ་ནས་གྲགས་པ་རིན་ཆེན་གྱི་སྲས་ལྷ་བློ་གྲོས་འོད་བྱ་ལོ་པ། གདན་ས་ལོ་བཞི་བཅུ་མཛད་དེ། ལྷ་རིན་ཆེན་སེང་གེ མཁན་ཆེན་སེངྒེ་རྒྱལ་མཚན་སོགས་སྨིན་པར་མཛད། དྲུག་ཅུ་རྩ་བཞི་ལ་གཤེགས། མཁན་ཆེན་སེངྒེ་རྒྱལ་མཚན་པའི་སྐུ་ཆེ་བའི་ཡོན་ཏན་རྣམས། ཇོ་བོ་བརྟན་སྒོམ་དཔལ་གྱིས་བྱས་པའི་རྣམ་ཐར་དུ་གསལ་ལ། དེ་ལ་སློབ་མ་རྗེ་བཙུན་ཡེ་མགོན་པ། བྱང་སེམས་ར་སྒྲེང་པ་ཤཱཀྱ་བསོད་ནམས་སོགས་མང་དུ་བྱོན་ནོ། །རྒྱ་ཡངས་པ་ཐང་པ་ནི། གདུང་རུས་རྒྱ། མཚན་ཉི་མ་དབང་ཕྱུག སྤང་པའི་དགོན་པ་བཏབ། དགུང་ལོ་ལྔ་བཅུ་བཞུགས། དེ་ནས་གདན་ས་ཡང་མང་དུ་ཉན་ལྷ་སྡིངས་པས་ཉན་གྱི་ལྷ་སྡིངས་བཏབ། བློ་སྦྱོང་གི་བླ་མ་བརྒྱུད་པར་རམ་པ་ལྷ་སྡིངས་པ་ཞེས་འབྱུང་ལ། སྟོད་ལུང་མདར་རམ་པ་ལྷ་སྡིངས་ཞེས་པའི་དགོན་པ་ཡོད་པས། འདི་དང་བླ་མ་གཅིག་མི་གཅིག་བརྟག་པར་བྱའོ། །རམ་པ་ལྷ་སྡིངས་པ་ནས། སངས་རྒྱས་དབོན། སློབ་དཔོན་ཡོན་ཏན་དཔལ། མཁན་ཆེན་བདེ་པ་དཔལ། མཁན་ཆེན་བཀའ་བཞི་བ། རིན་པོ་ཆེ་