[A:68a]dbyar zla ra ba'i tshes bcu gsum la spyil bur gshegs/ 'di la slob ma'i mchog lha chen po/ gya yangs pa thang pa/ nyan lha ldings pa sogs mang du byon pa las/ lha chen po ni/ yab jo bo rnal 'byor/ yum sna nam za'i sras su stag lo la pho brang khang dmar du 'khrungs/ dgung lo bco lnga la rgya dur gyi mkhan po klub dkar dang / gtsang pa khyung po la mkhan slob zhus/ bya par rab tu byung ste/ mtshan byang chub rin chen du btags/ de nas bya 'chad kha ba'i sku 'dra gzigs pas dad pa'i rkyen byas te dge bshes se dang mjal/ chos mang du zhus/ nyi shu rtsa bzhi la rgya sar sgang nas mkhan po rlan spyan drangs te bsnyen par rdzogs/ gzhan yang kha che paN chen la sogs pa mang du bsten/ se spyil bu ba gshegs nas/ 'chad kha spyil bu'i gdan sa mdzad/ bka' 'gyur gyi lung bzhugs pas/ lha lung gi dbang phyug tu grags/ sangs rgyas sman bla sogs yi dam mang po'i zhal gzigs pa rnam thar du gsal/ 'brug lo bdun cu rtsa lnga la 'chad khar gshegs/ lha 'gro mgon ni/ yab jo 'bag gi sras su rta lo la 'khrungs/ lo bcu drug pa la 'chad khar khu bo'i drung du dge bsnyen zhus/ de nas skyur mo lung du sba ti la rab tu byung ste/ mtshan dbang phyug 'od du btags/ de nas po tor dge bshes gnas brtan la mkhan po zhus te bsnyen par rdzogs/ lha chen po gshegs nas gdan sa mdzad/ mi g.yo ba'i grub pa brnyes pas stag sham can du yang grags/ gdul bya mang po smin par mdzad nas bdun cu rtsa bzhi pa