[A:69b]drangs te mtshan nyid kyi bshad grwa btsugs/ de nas 'chim nam mkha' grags pa zhes bya ba/ gdung rus 'chim/ nyang stod smon gro'i shu kha'u bya bar sku 'khrungs/ gnas brtan bcu drug gi gcig tu grags/ mkhyen rab dang 'phrin las che bas rtsom chos mang du mdzad cing / gdan sa lo sum cu rtsa drug mdzad/ chos rgyal 'phags pa'i bla ma yang mdzad nas/ chos 'khor chen po cig gi gral dbu la spyan 'dren zhus/ de nas skye ston par grags pas gdan sa lo bco lnga mdzad de/ snar thang gi gtsug lag khang che ba dang lcags ri sogs mdzad/ de nas chos rje nyi ma ba/ mkhan chen 'dul ba 'dzin pa/ 'chim blo bzang grags pa sogs dpal snar thang du bka' gdams pa'i bshes gnyen bzang la mang ba rim par byon pa yin no/ /gzhung bshad kyi bka' babs dam pa stabs kha bas/ stabs kha grwa pa'i sgang / 'dod 'jo chos kyi sgang / khra phu longs spyod kyi sgang ste dgon pa gsum btab/ grwa pa brgyad brgya tsam 'dus/ grags che ba'i zhang bzhi ni/ zhang ston 'dod 'jo ba dar ma g.yung drung / zhang ston khang mo che ba/ zhang ston sho ma ra ba/ zhang ston gtso thang pa chen po'o/ /thugs kyi sras bzhi ni/ sgang thang dkar ba rdo rje rin chen/ gu ra ba tshul khrims rdo rje/ stabs kha'i rnal 'byor pa nam mkha' rin chen/ khra phu ba 'dul ba 'dzin pa'o/ /'dod 'jo zhang ston dar ma g.yung drung la gtad/ de nas rong ston kha po ches bskyangs so/ /khra phu 'dul 'dzin pas bskyangs te/ de las