[A:70a]'phel ba'i zhang ston dar/ grab phu ba chen po/ de'i slob ma btsan dgon pa ba sogs byon te rgyas par ma spros so/ /gnyis pa rje spyan snga nas brgyud pa bka' gdams gdam ngag pa rnams byon tshul ni/ rnal 'byor gyi dbang phyug spyan snga la slob ma'i mchog sgom bzhi/ 'gran gyi do med gsum dang / gzhan yang mkhar phu ba/ rol po rdo rje/ g.yo nas sgre pa chen po/ zhang ston dpal brtsegs/ rgya rtse sgro ba/ 'phan yul gyi sgro lag pa chen po/ zhang ka ma ba chen po shes rab 'od/ ku ma ra shAkya/ sku srung ston pa/ 'dul 'dzin la gur ston pa/ 'chang bu ba chen po/ dgag dbye shes rin sogs ming chen nyi shu rtsa lnga tsam byon pa'i dgag dbye shes rin gyi nyan cher sgyes kyis mchod khang bzhengs/ spyir grwa pa bdun brgya tsam 'tshogs pa'i sgom bzhi ni/ zar pa zag sgom rdo rje ye shes kyis mal gro zar gyi mchod khang bzhengs/ rug pa ston sgom gyis klung shod rug pa'i mchod khang bzhengs/ mang ra sgom pa brtson 'grus 'bar gyis thang skya'i dgon pa btab/ dbu rtse gsar ma bzhengs/ ral pa seng sgom gyis rlung shod ngor gyi mchod khang bzhengs/ 'gran gyi do med gsum ni/ ston lung pa chen po/ bya yul ba chen po/ snyug grum pa chen po'o/ snyug grum pas klung shod mdar snyug grum dgon pa btab/ stod lung pa chen po ni/ 'khrungs yul stod lung gser phug dgung snying spre'u lo pa/ rab tu byung pa khyung po jo bsod la mdzad/ mtshan rin