[A:7a]ba'i brgyud la klu sgrub yab sras byon tshul/ rgya chen spyod pa'i brgyud pa byams pa'i rjes 'brang thogs med sku mched byon tshul/ nyams len byin rlabs kyi brgyud pa byon tshul lo/ /dang po ni/ bdag nyid chen po 'phags pa klub sgrub 'di/ sngon bskal pa dpag tu med cing ches mang po'i snga rol du de bzhin gshegs pa sgra gcan zin las/ dang por thugs bskyed par mdzad cing / de bzhin gshegs pa mar me mdzad kyis kyang lung bstan par mdo las gsungs la thub pa'i dbang po 'dis lung bstan pa ni/ lang kar gshegs pa las/ so so rang rig theg pa ni/ /rtog ge ba yis spyod yul min/ /mgon po 'das pa'i 'og tu ni/ /'dzin par su 'gyur bshad du gsol/ /bde gshegs mya ngan 'das pa'i 'og /tshul rnams 'dzin par 'gyur ba de/ /dus dag 'das nas 'byung ba ni/ /blo gros chen po khyod shes byos/ /lho phyogs be ta'i yul du ni/ /dge slong dpal ldan cher grags pa/ /de ming klu zhes bod pa ste/ /yod dang med pa'i phyogs 'jig pa/ /nga yi theg pa 'jig rten du/ /bla med theg chen rab bshad nas/ /rab tu dga' ba'i sa sgrub ste/ /bde ba can du de 'gro 'o/ /zhes dang / sprin chen po las/ kun dga' bo/ li tsa byi gzhon nu sems can thams cad kyi mthong na dga' ba zhes bya ba 'di ni/ nga mya ngan las 'das nas lo bzhi brgya lon pa na/ klu zhes bya ba'i dge slong du gyur nas nga'i bstan pa rgyas par rab tu bstan te/ mthar gyi rab tu dang ba'i 'od ces bya ba'i 'jig rten