[A:7b]gyi khams su de bzhin gshegs pa ye shes 'byung gnas 'od ces bya ba 'gyur ro/ /zhes dang / 'jam dpal rtsa rgyud sogs mdo rgyud du ma nas lung bstan pa'i bdag nyid chen po klu sgrub de nyid ston pa mya ngan las 'das nas lo bzhi brgya na/ lho phyogs be ta'i yul du bram ze rigs phun sum tshogs pa zhig bu med pa la/ rmi lam du bram ze brgya la chos ston drangs na bu rnyed ces lhas lung bstan no/ /de ltar byas nas gsol ba btab pas/ zla ba dgu na khye'u gcig btsas te mtshan mkhan la bstan pas/ mtshan bzang mod kyi/ 'on kyang zhag bdun gyi tshe las med zer/ de la cis phan dris pas/ bram ze brgya la chos ston drangs na zla ba bdun dang / dge slong brgya la chos ston drangs na lo bdun thub/ de las thabs med zer/ de ltar byas te lo bdun du nye ba na/ bu'i ro mthong ba pha mas ma bzod de g.yog dang bcas pa 'khyam du btang ste/ rim gyis song nas khar sa pa Na'i zhal ltas/ rim gyis na lendra'i sgo drung du song ste/ snyan ngag gi rig byed bsgrags pa/ de na bram ze sgra gcan 'dzin bzhugs pas gsan nas/ nang du khrid de ji ltar gyur pa'i rgyu mtshan zhus pas/ rab tu byung na thabs yod gsungs te rab tu 'byung bar khas blangs nas/ tshe dpag med 'chi bdag 'joms pa'i dkyil 'khor du dbang bskur ste gzungs 'don du bcug khyad par lo bdun lon pa'i nub mo mtshan thog thag bton pas 'chi bdag gi 'jigs pa las grol/ de nas lo brgyad lon pa dang / bram ze chen po de nyid la rab tu byung / rig pa'i gnas