[A:72b]na/ stod lung pa dpon slob gnyis kyis mjal du byon pas mngon shes kyis gzigs nas stod lung pa la/ jo bo ston pa re skyed 'khor 'di lta bu yod pa/ shes yang yang gsungs pas/ bla ma mnyes par dgongs te phul/ lo bcu gsum zhabs tog tshul bzhin du mdzad pas/ spyan snga mnyes pa'i gsung mang po dang / byin rlabs zhugs te/ nang ma gcig la sde snod gsum dang / rgyud sde bzhi'i tshig don thugs la 'khrungs/ spyan snga la dpon slob nA ga bo dhi dang mjal ba bden nam zhus pas/ btsun chung 'di 'dir bcug pa'i chos mi 'dra ba gsungs/ phyi gshegs khar ngas slob dpon nA ga bo dhi dang dngos su mjal/ chos mang du zhus/ rtsa ba'i bla mar byed pa yin/ khyod rang yang gsol ba thob dang rjes su 'dzin par 'dug gsungs/ mdor na spyan snga'i yon tan bum pa gang byo'i tshul du mnga' zhing / spyan snga snyug grum du gshegs nas sku gdung bzhu ba'i dus/ thugs nam mkha' la 'od dang bcas ste sprul sku chen po'i pang par babs pa/ phyis bya yul gyi gdung khang du bzhugs so/ /snyug grum du sku mtshams lo dgu mdzad/ de nas tshogs bsdus te/ thog mar bul gyi ra ba dkar por dgon pa btab/ dge 'dun lnga brgya tsam 'dus/ de'i tshe rje btsun ma sgrol ma la sogs pa yi dam mang po zhal gzigs/ nA ga bo dhi la dngos su chos gsan/ de nas gdul bya bsam gyis mi khyab pa dang / dgon pa 'bul ba yang mang du byung ba la/ bla ma dang sgrol mas lung bstan pa'i gnas bya