[A:75b]tsA ba rgya gar nas byon pa dang mjal te/ mdo sngags kyi thos pa rgya cher dang / khyad par sngags la mkhas par sbyangs/ bod kyi mkhas pa mang po la ni ngas thug da rgya gar du 'gro dgongs te/ ding rir dam pa mjal bar byon pas/ chos mi gsung par brda chos bzhi mdzad pa'i cig rdo dkar po shar phyogs su 'phangs song pa/ dam pa kun dga' la dris pas khyod kyi yongs 'dzin shar na yod zer ba'i brda yin zer bas/ lha sar jo bo mjal ba dang / yer par sgrub pa la byon pas/ bya yul ba chen po 'brom smon grong du chos bar la byon pa'i chos nyan pa mang po dang 'phrad de/ sprul sku bya yul ba la chos nyan du 'gro zer/ de la yon tan ci yod byas pas/ gzhan ni ma shes/ bla mas byin gyis brlabs pa cig yin par 'dug zer/ khong gis kyang tshod blta ba'i phyir/ chos ra'i mthar bzhugs pas/ sems la phan pa mang du byung ste/ mjal bas mi phyed pa'i dad pa 'khrungs/ phyag phyir bya yul du byon nas lo bcu bzhi bsten/ bka' gdams kyi chos thams cad rdzogs par gsan/ yi dam mang po zhal gzigs/ chos nyid kyi bden pa mngon sum du gzigs/ phyis lor byon pa la mkha' 'gro ma dung phreng can mang pos bsu ba mdzad de/ rdo rje gdan gyi chos skyong dang gcig par snang gsungs/ dgung lo re gcig la dga' ldan du byon pa'i mnal lam byung pas/ sgrol ma dkar mo'i sgrub pa mdzad/ lo'i gdan sar lo bco lnga bzhugs te/ brgyad cu rtsa lnga pa zla ba bzhi pa'i tshes brgyad la lor