[A:8a]rnams dang / theg pa che chung thams cad la mkhas par sbyangs so/ /phyis pha ma dang mjal bas dga' bar gyur/ /de nas bram ze chen po de nyid la dpal gsang ba 'dus pa la sogs pa'i gsang sngags kyi chos zhus pas/ des kyang dkyil 'khor du bcug dbang bskur rgyud bshad/ zhal nas snyan du brgyud pa'i gdams pa dang / rjes su bstan pa ma lus pa gnang ngo / /de nyid la mkhan po zhus te bsnyen par rdzogs pa mdzad/ mtshan dge slong dpal ldan zhes grags/ de'i tshe mkhan pos lo bcu gnyis su mu ge 'ong bas/ gtsug lag khang nyams dmas par gzigs nas/ dge 'dun gyi zhal lta bar dge slong dpal ldan bskos te/ mkhan po dpal gyi ri la spyod pa la gshegs pa'i mtshan bram ze chen po sa ra ha zhes grags so/ /der slob dpon gyis thugs dgongs la gser 'gyur gyi rtsi byas nas/ dkon mchog dang dge 'dun gyi zhabs tog bya'o snyam du dgongs te/ slob dpon bha li ba zhes bya la gser 'gyur gyi gdams ngag zhus/ gling bar nas gser 'gyur gyi rdzas rnams blangs nas gser 'gyur byas pas ma grub pa dang / chang tshong ma zhig gi skya ba gser du 'dug pa mthong nas/ de la zhus pas gser 'gyur grub ste/ zangs rnams gser du 'gyur/ mu ge ma byung pa'i sa nas 'bru mang po drangs te dge 'dun gyi gdugs tshod sbyar/ de'i tshe yul phyogs kyi mi stobs med rnams shi stobs chen rnams gzhan du dengs te yul stong par gyur pa paNDi ta rnams kyis rig nas/