[A:76a]gshegs/ 'di la slob ma dge bshes 'gar la sogs pa bu bzhi dang / tshe blos thongs pa bcu bzhi la sogs pa byon te 'dir ma spros so/ /de'i slob ma rin po che glang lung pa/ 'khrungs yul stod lung tshur bu/ yab rdo rje grags kyi sras su yos lo la 'khrungs/ lo bcu dgu la/ pa tshab lo tsA ba las rab tu byung ste/ mtshan brtson 'grus gzhon nur btags/ zur chos pa gcig la 'dul ba mkhas par bslab/ nya ga mo ba la lo bdun lam rim khrid tshar gcig bskyangs pas/ ji ltar 'dod pa bzhin blo bkol du btub pa byung gsungs/ nyer bdun la snon gyi gyad par bya 'dul 'dzin/ cha pa chos seng / btsun pa chos mchog gsum la bsnyen par rdzogs/ de nas lor gtsang pa rin po che lo lnga bsten/ chos mang du gsan/ dad gus tshad med pa 'khrungs pas rtogs pa bzang po mang du 'khrungs la/ sngon du lo'i gdan sa lo bcu gnyis dang / de nas lo bya yul sbrel nas lo drug ste bco brgyad mdzad/ bdun cu rtsa lnga pa la bya yul du gshegs/ glang lung pa'i dus su chos rje 'jig rten mgon po bya yul du byon te/ khrom sher dang gnyis la bka' gdams kyi chos gsan pa'i dus su/ de gnyis kyi slob ma skyo rin po che la nged dben gnas byon pa'i sa cig dgos gsungs pas/ gzho'i phu na 'bri phyugs 'jog pa'i se nags yod pa phul/ dgon pa btab te 'phrin las rgyas pa'i tshul gzhan du gsal lo/ /glang lung pa'i rjes su se rnal