[A:79b]mdzad de/ dal dang 'byor pa brnyed dka' bas/ /'di dag ji lta bzhin du sgrubs/ /gsungs pa'i skabs su thugs la nges shes skyes te/ tshul khrims mig 'bras bzhin du srungs gsungs/ bcu bzhi pa lo dgu bsten/ bka' gdams kyi chos rdzogs par gsan/ gsang sngags kyang mnos te/ 'dul mngon/ spyod 'jug sogs mkhas par sbyangs/ byes kyi mkhan po lo gsum/ rgyas stengs spyan pas sbrel ba lo nyi shu rtsa brgyad/ gdan sa gong lo brgyad mdzad/ bde mchog sogs zhal gzigs pa/ mgon po lho nub pa bran bzhin du 'khol ba sogs rnam thar du gsal/ bdun cu rtsa gsum pa dgun zla tha chung gi tshes bcu bar du bzhugs/ rin po che bco brgyad pa dgung snying yos/ zhogs su 'khrungs/ rin po che gnam gang pa la rab byung bsnyen rdzogs zhus/ mtshan blo gros rin chen du btags/ 'od gsal gyi gdan sa lo bdun/ gdan sa gong lo brgyad mdzad de/ bzhi bcu rtsa drug pa byi ba lo dpyid zla ra ba'i tshes bco brgyad bar du bzhugs/ rin po che rin chen rgyal mtshan/ yab lhas pa dpon rdor gyi sras su gro bzhir byi ba lo la 'khrungs/ rab byung dang bsnyen rdzogs rin po che gnam gang pa la zhus/ mgon po gri gug zhal gzigs/ bla ma bco lnga bsten/ gdan sa lo nyi shu rtsa gsum mdzad/ lnga bcu rtsa dgu pa khyi lo zla ba dang po'i tshes bco lnga bar bzhugs/ yongs 'dzin chen po tshul khrims dar gyi zhal snga nas/ yab dpon bsam 'grub dang / yum sog mo rdo rje sgron gyi sras su shing pho stag la lcas bar