[A:79a]dang ldan pa yin gsungs/ bya yul gyi mkhan po lo gsum/ lam dgon gyi gdan sa lo brgyad/ gdan sa che ba lo nyi shu rtsa gnyis mdzad de/ bdun cu rtsa gcig pa glang lo zla ba dgu pa'i tshes bcu bzhi la lor gshegs/ stod lung pa rin chen snying po'i sprul par grags so/ /rin po che gnam gang pa 'khrungs yul 'ol kha/ gdung rus byen/ yab chos skyong bsam me'i sras su khyi lo la 'khrungs/ lo bcu gcig la rgyas steng du sangs rgyas dbon po la rab tu byung / mtshan gzhon nu ye shes su btags/ mkhan chen cha ru ba la 'dul ba/ spyod 'jug gdams ngag skor mang du gsan/ bcu dgu la rin po che tshul khrims mgon po la bsnyen rdzogs zhus/ nged kyi gzims g.yog bgyis/ zin bris thob gsungs pas de ltar mdzad de/ tshogs lkog gi chos rdzogs par gsan pas/ thugs rab la mnyes te blo gros rnams dag ces gsungs/ lo nyer drug la rgyas stengs su bskos bco lnga mdzad/ de nas rin po che bcu bzhi pas/ thub pa'i gser sku/ dbu zhwa/ stan rim sogs gnang nas byin gyis brlabs/ bzhi bcu la gdan sar byon lo so bzhi mdzad/ don gsum pa khyi lo zla ba gnyis pa'i gnam gang bar du bzhugs/ rin po che tshes bcu pa 'khrungs yul 'ol kha gdung rus ljang / yab dpon dkar gyi sras su 'brug lo la 'khrungs/ lo bcu bzhi la rin po che bcu bzhi pa rab byung zhus/ mtshan chos kyi rdo rjer btags/ nyer gcig la bya yul du rin po che de nyid kyi drung du bsnyen rdzogs