[A:80a]'khrungs/ dgung lo bcu gsum la gugs rdzong du slob dpon tshul rgyal ba la rab tu byung / mtshan tshul khrims dar du btags/ nyi shu rtsa lnga la rin po che chos kyi rdo rje'i drung du bsnyen rdzogs/ skyor mo lung du slob dpon bsam gtan don grub dang / gro sar mar ston dbu ma pa sogs la 'dul ba'i sde snod mtha' dag la mkhas par sbyangs/ mkhan chen sangs rgyas dpal ba dang / chos rje thams cad mkhyen pa sogs las/ sher phyogs byams chos mtha' dag thugs su chud par mdzad/ thang sag tu zla grags gsar ma dang / slob dpon tshul dpal ba la dbu ma'i gzhung che chung mtha' dag gsan/ rin po che rin chen rgyal mtshan sogs bla ma lnga'i drung du bka' gdams kyi chos skor rnams dang / chos rje kun bkras pa sogs la sa lugs kyi chos skor dang / zha lu grags pa rgyal mtshan pa la bu lugs kyi chos bskor dang / gdan sa thel du chos rje bsod nams rgyal mtshan pa la phyag rgya ba'i chos bskor dang / rtogs ldan sngo nyal ma dang / drung rin rgyal ba la dus 'khor rgyud 'grel sogs la mkhas par mdzad/ mdor na mkhas grub kyi bla ma sum cu tsam bsten te/ bde bar gshegs pa'i gsung rab mtha' dag gi tshig don la mnga' brnyes par mdzad de/ mkhas pa'i grags pas phyogs kun khyab/ 'chad nyan sogs gzhan phan rgya cher mdzad de/ slob ma'i mchog chos rje dge ba rgyal mtshan/ zad pa blo rgyam/ zad pa padma bzang po/ chos rje blo brtan pa/ khams su lha 'bri