[A:8b]khyed kyi dge 'dun la ma zhus par gser 'gyur byas/ dge 'dun log 'tsho la bkod 'dug pas gnas nas phyung la gtsug lag khang dang / mchod rten bye ba gyis shig ces bsgo ba'o/ /de'i tshe dge slong bde byed ces bya bas rigs pa'i rgyan zhes bya ba'i 'bum phrag bcu gnyis pa byas nas thams cad sun 'byin pa la/ de'i gnyen por chos sde snod mang po gsungs nas/ lta ba log pa rnams sun phyung ngo / /der byis pa gnyis chos nyan du 'ong pa'i tshe/ dri zhim pos 'khor kun tu khyab par gyur cing / song ba na dri med par gyur pa dang / de gnyis la rgyu mtshan dris pas/ nged klu'i rgyal po 'jog po'i bu yin/ mi yul du 'gro ba la tsanda gor shirSha'i srung ba byas pa yin zer ro/ /der tsanda de la sgrol ma'i sku cig bzhengs na phan yon che bar dgongs nas/ tsanda de blang du yod dam byas pas/ yab la dri yis zer nas dris pas/ slob dpon klu'i yul du 'byon na 'bul zer bas/ zhal gyi bzhes nas klu'i yul du byon/ klu'i khab sgo na bzhugs pa dang / klu'i rgyal po na re/ dug gi mi tshugs na nang du byon zer bas byon/ klu'i rgyal po 'khor dang bcas pa la chos bstan/ bsod snyoms bzhes so/ /de'i tshe klu rnams kyi bzhugs par zhus pa dang / nga mchod rten bye ba bzhengs 'dam 'tshol ba dang / 'bum gdan 'dren du 'ongs kyis/ bsdad mi khom/ phyis yong ba srid gsungs te/ 'dam mang po dang / 'bum dang / yi ge nyung ngu mang gdan drangs te/ 'bum gyi zhabs nas bag tsam klus