[A:81b]gdams kyi dgon grwa chen po rnams kyi gdan sa mdzad bzhin par da lta dgung lo lnga bcu rtsa gnyis kyi steng na bzhugs pa 'di nyid ste/ yongs 'dzin dam pa 'di nyid kyi rnam par thar pa rgyas pa ni logs su 'chad par sha chags pas 'dir ma spros so/ /bdag cag gi yongs 'dzin dam pa 'jam mgon grub pa'i dbang phyug bsod nams dbang po dang / yab rje sbas pa'i sangs rgyas sngags 'chang grags pa'i mtshan can/ khyab bdag 'khor lo'i mgon po rje btsun mus pa chen po sangs rgyas rgyal mtshan/ mkhan chen thams cad mkhyen pa ngag dbang chos grags rnams kyi ngo mtshar ba'i mdzad pa'i cha shas mtha' dag ni sngar nas logs su bshad cing / 'chad par gyur pa'i rnams thar kyi yi ge byas pa dag las khongs su tshud par bya zhing / 'dir skabs su babs pa dge pa'i bshes gnyen bka' gdams pa rnams nas brgyud pa'i chos tshul rnams bdag gi bla ma so sos gsan pa dang / rang nyid kyis ji ltar thos pa'i tshul mdo tsam brjod na/ 'jam dbyangs bsod nams dbang pos ni spyan snga ngag dbang chos grags dang / yab sngags 'chang chen po gnyis las bka' gdams pa'i chos rnams rdzogs par gsan zhing / sngags 'chang grags pa'i mtshan can gyis rang gi yab sngags 'chang chos kyi rgyal po ngag dbang kun dga' rin chen gyi drung du rgyas par gsan la/ rje btsun mus pa chen po dang mkhan chen ngag dbang chos grags gnyis kyi/ lo nas spyan snga rin po che'i ngag dbang chos grags kyi