[A:81a]dbyangs kun dga' chos bzang las bsnyen par rdzogs/ mkhan po de nyid dang / chos rje blo gros rgyal mtshan/ rje mkhyen rab rin chen mchog grub/ snyug la paN chen ngag dbang grags pa/ sngags 'chang rin chen rnam rgyal/ mus chen sangs rgyas rin chen/ sa lo thams cad mkhyen pa/ rje byams pa chos kyi nyi ma/ bdag chen ngag gi dbang phyug sogs bla ma mang du bsten nas mdo sngags rig gnas kyi bsdus pa'i chos tshul rgya mtsho lta bu'i pha mthar gson/ thugs dam la gcig tu gzhol bas nyams dang rtogs pa'i dbang phyug tu gyur/ snyigs dus kyi bstan pa'i gsal byed chen po sngags 'chang chos kyi rgyal po ngag dbang kun dga' rin chen yab sras sku mched sogs kyi bka' gdams kyi chos bum pa gang byor gsan pa'i bla mar bsten/ lo bya yul sogs bka' gdams kyi dgon gnas rnams kyi gdan sa sku tshe ril por mdzad/ spyi dang bye brag gi bstan pa yar ngo'i zla ba ltar rgyas par mdzad de/ dgung lo brgyad cu rtsa dgu pa sbrul lo smin drug zla ba'i nyer lnga'i nyin bde bar gshegs so/ /de lta bu'i skyes chen dam pa de nyid kyi sku'i rnam par sprul pa bdag gi bla ma spyan snga rin po che byams pa kun dga'i mtshan can 'di nyid ni/ lug lo bkra shis pa'i dge mtshan dang bcas nas sku 'khrungs/ mkhas grub kyi bla ma du ma las gsan pa rgya mtsho'i pha rol du gson te/ lung dang rtogs pa'i yon tan bsam gyi mi khyab pa'i mnga' bdag tu gyur/ lo dang bya yul sogs bka'