[A:80a]dngos slob paN chen nam mkha' dbang phyug dang / 'jam dbyangs dkon mchog rgya mtsho sogs kyi drung du bka' gdams thig le bcu drug gi dbang khrid/ gzhung drug gi lung / chos chung brgya rtsa/ lha bzhi'i khrid/ rin spung bskor gsum/ bka' gdams glegs bam yongs rdzogs/ blo sbyong gi skor sogs mtha' chod par gsan zhing / de ltar 'jam pa'i dbyangs sku mched dang / rgyal ba mus pa chen po sangs rgyas rgyal mtshan/ spyan snga kun dga' don grub/ mkhan chen 'jam pa'i dbyangs ngag dbang chos grags/ gzhan yang brgyud ldan gyi bla ma yid ches can du ma'i drung du sa skya pa sngags 'chang ngag dbang kun dga' bsod nams grags pa rgyal mtshan dpal bzang po bdag gis dge ba'i bshes gnyen bka' gdams pa nas brgyud pa'i chos skor rnams dwang 'dod yid ches kyi dad pa bla na med pa'i sgo nas 'bad rtsol chen pos rdzogs par mnos shing / lhag par sngon jo bo chen po dpal ldan a ti shas 'brom ston pa la thugs kyi sras gcig pu lta bur mdzad pa ltar dus gsum sgrib med du gzigs pa'i rje btsun mus pa chen po de nyid kyis kho bo cag la thugs rje'i spyan ras kyi bu gcig pa ltar 'tsho bar mdzad pa'i skal ba mchog kyang thob pa lags/ gong du smos pa'i stod lung pa'i slob ma la grags che ba sdings bu ba/ klog skya/ dge bshes zar pa/ dge bshes lha bzo ba/ khyung khams/ bya 'dul 'dzin dang drug las/ stod lung pa'i dgongs pa lon pa phyi ma gsum