[A:83a]rma tsho la 'dul ba gsan cing mkhas par gyur/ de nas rgya tsha zhang ye la dbu tshad dang / dkar lo tsA ba la yo ga bslabs/ 'go nas bshad nyan mdzad pa'i skabs su dpe cha rnams khams pa'i grwa pas brkus pas/ thugs skyo ba skyes te stod lung pa'i drung du bka' gdams zhu ru byon pas/ yon tan che ba'i nga rgyal gyis dang por phyag ma byas pa sogs spyod pa 'ga' zhig la rten nas/ stod lung pa'i bka' bkyon drag tu mdzad de bskrad/ der log nas byon/ stod lung zam khar bslebs pa na 'gyod pa skyes te/ chos zhur 'ong pa la de ltar byed pa nga ma bden snyam du dgongs pa dang / stod lung pa'i zhal nas nye gnas la/ da kho 'gyod pa skyes nas 'dug gi mar gdan drongs la shog gsungs/ gdan drangs bkur bsti byas/ der bka' gdams kyi gdams ngag thams cad yongs su rdzogs par gsan nas thugs dam gyi gtso bo mdzad do/ /de nas zul phur bshad grwa btsugs te tshogs lo dgu'i bar du bskyangs/ mdo rtsa'i TIkka che chung dang 'dul pa spyi'i rnam gzhag mdzad/ de'i tshe bsam yas dpe dkar gyi bar chad rtsom pa'i phyir btsun par sprul nas zhabs tog lo mang du byas kyang / 'dul ba dang 'gal ba'i mdzad pa na bza'i spu phyir bstan te gyon pa tsam ma gtogs skyon ma brnyed pas dpe dkar yang dad par grags so/ /de ltar bka' gdams kyi man ngag la nyams len mdzad/ bu chen 'dul ba la mkhas shing 'gro don phun sum tshogs pa bdun cu rtsa drug