[A:83b]byung pa'i nang nas/ dbus kyi bu chen gsum ni/ ka pa dar seng / rnal 'byor byang seng / rje mo chos seng dang gsum/ gtsang nas gtsang ngu rin skyabs/ rtsis pa gzhon nu seng ge sogs byon/ de ltar bstan pa'i bya ba rgya cher mdzad/ dgung lo bdun cu don drug bzhes pa la zul phur sku gshegs/ gdung bzhu bas thugs ljags ring bsrel sogs mang du byon no/ /de nas sgyer sgom chen po nas brgyud pa cung zad bshad na/ dang po yar lung 'phyong rgyas kyi bang so padma can bya ba/ yon bdag nyi ma mgon gyi sras/ sgyer shes rab skyabs zer ba dbu ru snon mda'i rog snar yul 'chugs/ btsun mo tshal stod nas klu lcam bya ba khab tu bzhes/ sras gsum byung ba/ khre la stag bu mo stag khre la dar ro/ che ba khre la stag rab tu byung ste/ sgom pa shes rab grags zer/ chung ba khre la dar dgung lo bcu gnyis la snon phu gnyer du/ sprul sku bya yul bas mkhan po mdzad/ zhang snying phug pas slob dpon mdzad nas rab tu byung ste/ mtshan gzhon nu grags su btags/ dgung lo bcu bdun la sne'u zur du byon lo dgu bzhugs/ sne'u zur pa gshegs nas bya yul pa chen po lo lnga bsten/ bka' gdams kyi chos skor rdzogs par zhus/ slob ma brgyad brgya tsam byon pa'i nang nas grags che ba/ sba bya zur dang gsum/ dge bshes g.yor ston/ skyis ston/ lho brag ston pa/ dmar ston/ khams ston/ ston pa 'od zer bla ma/ smon lam bzang po/ ston pa