[A:84b]du byon/ dge bshes nyang ran dang / dge bshes kha ches mkhan slob mdzad de bsnyen par rdzogs/ 'phan yul mdar ka ba dar seng la 'dul ba dang / gzhan yang sde snod mang du gsan/ /de nas lo bco brgyad kyi ring la sgyer bsgom rang bsten nas gsung rab mtha' dag dang / lung man ngag rdzogs par gsan/ yi dam chos skyong dpag tu med pa zhal gzigs/ rgya ma'i dbu rtse gsar ma bzhengs pa dang / rin chen sgang gi gling rgya bskyed pa/ phyogs kyi gtsug lag khang dang / rten gsum mang po'i rab tu gnas pa sogs 'gro don rgya che zhing / sangs rgyas skal ldan shing rta zhes par 'gyur bar zhal gyis bzhes/ spyan ras gzigs kyi sprul par yang grags/ rgyas par don du gnyer na/ khu dpon gyi rnam thar thun mong ba che ba gcig dang / mchod khang bzhengs tshul bkra shis leb brgyad ma bya ba lho pa dbu ma pa zer ba'i slob ma cig gi byas pa dang / ri bo maNDal rtser byon pa'i rnam thar rnams su gsal lo/ /slob ma rtogs ldan bzang mo ba/ nags spo ba/ zung chu spo pa/ nag mo sang yon dang mo bzhir grags pa rnams so/ gdan sar lo bzhi bcu bzhugs te bdun cu don gnyis pa smal po zla ba'i tshes bzhi la rgya ma gnas su gshegs/ rtogs ldan bzang mo ba ni/ yul dwags po brad lha sa ba/ gdung rus spyil/ yab rnal 'byor jo stag la sras gsum yod pa'i 'bring po/ mtshan gzhon nu seng ge zer/ byis pa'i dus dwags po sgam po ba la phyag rgya ba'i khrid 'ga' dang / bya yul ba'i slob