[A:84a]gzhon legs sogs byon/ sangs rgyas dbon ston ni 'gran gyi do med yin no/ /me mo bya la ra sgreng btab nas lo drug cu re gnyis song nas/ sa mo phag la rin chen sgang gi gtsug lag khang rnying ma bzhengs/ bla ma'i gdan sa la sgo bton gsungs nas bya yul phyogs su bstan/ jo bo mi g.yo ba/ dam tshig gsum bkod/ jo bo 'jam dpal rdo rje'i zhal gzigs/ sne'u zur pa dang / bya yul ba'i gsungs bgros sgang bsos nas/ lam rim po ti bzhi ma dang / gnyis ma bya ba sangs rgyas dbon ston sogs la gnang bas/ sangs rgyas dbon ston gyis zin bris su btab/ gdan sar lo lnga bcu bzhugs/ gya gnyis la gshegs/ sangs rgyas dbon ston ni/ sgyer sgom chen po'i spun zla sgyer bu mo stag zhes pa dang / yum sha mo rdog ge'am/ sha mo 'do le zhes pa la sras gsum byung ba'i che ba yon bdag ya po zhes pa dge 'dun dang dkon mchog la dad pa cig byung / bar pa sangs rgyas dbon ston/ chung ba slob dpon ston pa/ khong gis chos skyong gri gug zhal gzigs/ sangs rgyas dbon sprul sku bya yul ba'i sku skyer byed pas/ sgyer bsgom gyi zhal nas/ ngas bla ma'i gsung gcig la brten nas btsun chung 'di la byams par byas pa yin gsung / sangs rgyas dbon dgung lo bcu bdun la dge bshes 'ban thang pas mkhan po/ dwags po bang rim pa 'de'u bsgom gyis slob dpon mdzad de rab tu byung / mtshan gzhon nu 'byung gnas su btags/ lo bcu dgu la skyi smad