[A:86b]nyan gyis/ bstan pa la phan par 'gyur/ zhes lung bstan pas/ gsang phu ne'u thog gi sa cha gzigs te/ bla mas lung bstan pa'i gnas de yin par mkhyen nas/ gsang phu ne'u thog gi gtsug lag khang bzhengs/ bstan pa'i bya ba mdzad de/ dang por dge 'dun lnga brgya tsam 'dus so/ /de las 'phros pa la gnyis/ lo tsA ba blo ldan shes rab las slob ma 'phel tshul/ mnga' ris pa shes rab rgyal mtshan las bka' gdams glegs bam byung tshul lo/ /dang po ni/ legs she'i gcung po klung khri/ klu byang / chos skyabs/ thub pa bzhi las/ chos skyabs kyi sras lo tsA ba blo ldan shes rab yin te/ de'ang lcags mo phag gi lo la sku 'khrungs/ skyes bu dam pa des sku na gzhon nu'i dus nas/ khu bo dang / bka' chu'i slob chung tshul khrims shes rab la sogs pa bsten nas rab tu byung / rgyud sbyangs/ dgung lo bcu bdun lon pa'i dus/ mnga' ris stod kyi lha bla ma byang chub 'od kyi dbon po mnga' bdag rtse ldes/ rgya gar du lo tsA slob pa la brdzangs te yul dbus dang kha che la sogs par byon/ paNDi ta pad rdza na dang / 'bum phrag gsum pa/ pa ra he da ma hA dza na/ su ma ti kirti dang / skal ldan rgyal po la sogs pa mkhas grub mang du bsten/ rgya bal du lo bcu bdun bzhugs nas/ mnga' ris stod du phebs/ mnga' bdag dbang lde dang / khri bkra shis dbang phyug btsan gyis 'gyur gyi sbyin bdag mdzad nas/ tshad ma rgyan la sogs pa bstan bcos mang du bsgyur/ de nas dbus su phebs/ khu bo'i gdan