[A:88b]smos pa'o/ /gnyis pa mnga' ris pa shes rab rgyal mtshan las/ glegs bam byung tshul ni/ rngog legs pa'i shes rab de nyid gsang phur grwa pa lnga brgya tsam 'dus te/ gzhan phan skyong ba'i dus su de rnams kyi nang nas rnam g.yeng la mi dga' zhing / 'dod yon la ched du mi byed pa'i byang chub sems dpa' shes rab rgyal mtshan zhes pa mnga' ris stod pa/ jo bo dang 'brom gnyis ka la chos kyang thos pa cig yod pa de/ 'du tshogs la mi 'ong bar/ gsang phu'i nags khrod cig na sgom 'ba' zhig mdzad kyin bzhugs pa la/ de dus rngog gsang phu ba/ nags gseb na yar skyo sangs la byon pa na/ byang chub sems dpa' shes rab rgyal mtshan dang mjal nas/ rngog la phyag 'tshal ba dang / rngog na re khyed bza' btung / longs spyod la mi blta ba ngo mtshar che/ dus deng sang rnam g.yeng spangs nas 'di lta bu'i dge sbyor byed pa la dka' las yod/ khyed thugs dam gyi mthil ci la mdzad gsungs pas shes rab rgyal mtshan na re/ yongs 'dzin dam pa gsan du gsol/ 'dus byas chos ni 'di 'dra ba/ /skyes pa'i tha ma 'chi ba'i chos/ /bsags pa'i tha ma 'dzad pa la/ /tshe 'di'i snang ba bag re la/ /rgyu mtshan ci yang mi gda' ba/ /de bas mi rtag thun re sgom/ /gsungs pas/ rngog gis dgongs pa la/ 'di chos skad thun mong ba yin/ 'di la dge sbyor gyi khrigs dang / dad gus ci 'dug lta snyam nas/ dri lan mang du mdzad pas/ bka' gdams glegs bam rngog gi phyag tu