[A:89a]bzhugs pa shes rab rgyal mtshan gyis btsad chod de zhus pa/ thog mar bu chos kyi le'u dang po/ bram ze'i khye'u gsal bar sku skye ba bzhes tshul sogs gsungs/ mdor na tshig re re la'ang bslab pa gsum/ lha bzhi/ rjes dran lnga tshang ba re mdzad de bslab gsum yang / tshul khrims bsrung ba dang / gzhan don du bsam pa bzang po byed pa de thams cad bden gnyis su dril nas nyams su len pa dang / lha bzhi ni/ rab tu byung ba'i cha nas shAkya thub pa/ tshad med pa bzhi la dge sbyor byed pa'i cha nas thugs rje chen po/ 'gro don byed pa'i cha nas rje btsun ma sgrol ma/ gnyen po bsten pa'i cha nas mi g.yo ba dang / rjes dran lnga ni/ lhag par sgrol ma 'di skad gsungs/ /sras kyi thu bo spyan ras gzigs/ /khyod kyi rjes 'brang kho mos skyabs/ /kho mo'i gdams pa 'di longs la/ /rjes su 'brangs la bstan par gyis/ /skyabs gnas bla ma dran par mdzod/ /lus ni lha yi rang bzhin te/ ngag ni bzlas brjod rgyun par mdzod/ /'gro ba ma lus pha mar soms/ /sems kyi gnas lugs stong par spyod/ /lnga po de yi skya bar nas/ /dge rtsa thams cad dag par mdzod/ /ces te/ 'di rnams kyi nang du glegs bam gyi nyams len 'du bar bzhed cing / bka' babs che chung gang zag blo mtho dman gyi rim pas 'byed tshul glegs bam las gsungs pa rnams bstan nas/ de nas rjes su glegs bam gyi po sti tshang ba bka' rgya dang bcas te gnang / shes rab rgyal mtshan