[A:89b]gyis kyang gnas nges med du bzhugs nas nyams len mdzad do/ /de nas spyan ras gzigs kyi sprul pa phu chung pa gzhon nu rgyal mtshan la gnang / des ka ma ba rnal 'byor pa rin chen rgyal mtshan la/ des stabs kha ba zhang ston dar ma rgyal mtshan la/ des lha bla ma ye shes 'od kyi sku skye byang chub bzang po la/ des nam mkha' rin chen la gnang / de dag gi lo rgyus rgyas par don du gnyer na/ glegs bam gyi byung tshul ngo mtshar rmad du byung ba'i dpal 'byor zhes par blta'o/ /zhar la khu ston brtson 'grus g.yung drung gi lo rgyus ni/ yar lung thang po che dang lha sdings su byon/ spyir jo bo'i chos mang du mnga'/ khyad par shes rab kyi pha rol tu phyin pa la rtsal thon/ gshin rje gshed kyi zhal gzigs/ slob ma'i mchog mngon pa la mkhas pa brang ti dar ma snying po sogs dang / glegs bam las/ na ga rA dza la sogs pa'i 'khor lnga brgya tsam yod ces 'byung ngo / /gsum pa nag tsho'i rjes slob byon tshul ni/ nag tsho lo tsA ba la/ mnga' ris skor gsum du slob ma mang du byon pa la/ dbus su grags che ba rong pa phyag sor ba yin te/ khong rang gi skye ba bcu gsum dran cing / mngon par shes pa rgya chen po mnga' ba/ sgom pa'i stobs kyis rig pa'i gnas la mkhas pa dang / dang por jo bo chen po'i gdams ngag kho na rtsad gcod pa la jo bo'i dngos kyi slob ma zhang btsun yer pa ba/ yer pa gzim khang gi sgom pa dad pa bla ma/ ra sgreng du bshes gnyen ston pa/ rnal 'byor pa chen po/ dpal ldan dgon pa ba/