[A:91a]par bzhugs te/ nye gnas dang yang mi mjal bas/ gsol ba bug sgo la blangs te sgrub pa rtse gcig tu mdzad pas/ lo gsum na thugs rje chen po'i zhal mthong / lung bstan te/ khyod kyis tshe 'di nyid du mthong lam thob nas/ slob ma yang sum cus zhal mthong bar 'gyur gsungs/ de nas lo nyi shu rtsa bzhi song ba'i dus mnal lam du mkha' 'gro ma mang po byung nas jo bo'i ring bsrel ma sba bar ston zer nas/ ring bsrel sder gang gtad pa lho phyogs su gtor ba zhig rmis/ phyis rong pa'i bu bzhir grags pa lhor 'byung ba la lta bar 'dug gsungs/ de nas pa tshab 'phrang kha rje'i 'khrug pa'i 'dums mdzad pa la/ phod mdor byon pa dang / rma tsho byang rdor zer ba 'dul ba 'dzin pa chen po de dang mjal bas/ khong dad de/ skyid shod 'on ljang rdor spyang chos btsugs pa bas de'i dus rma tsho'i zur chos pa che ba bzhis chos zhus pas/ rong pa'i bu bzhir grags pa ni/ bya 'dul ba 'dzin pa/ rog 'ching phu ba/ rnam spar ba/ dge bshes zhu lan pa'o/ /rgya ra ston brjid dge bsnyen pas bur ma bgrang / de lngas jo bo'i gdams pa zhus/ zin bris mdzad pas bya 'dul ba 'dzin pas gdams pa dang lo rgyus nyung 'dus gcig mdzad/ 'ching phu bas lo rgyus nyung 'dus la gdams pa mang ba zhig byas/ rnam spar bas lo rgyus ma bris pa gdams ngag rnams bris/ zhu lan pas gdams ngag dang lo rgyus gnyis ka rgyas par byas nas/