[A:91b] khyad par du lo rgyus zhib par mdzad de/ mdo sde rnams las/ sangs rgyas kyis yul 'dir gang zag 'di la chos 'di gsungs bya ba yod pas/ chos khungs btsun par rtogs pa la lo rgyus 'di gal che ba yin gsungs nas rgyas bar bris/ yi ge de thams cad 'dul ba 'dzin pa'i phyag tu byung bas khong gi phyogs gcig tu bsgrigs pas/ jo bo'i lam yig tu grags/ rgya ra ston brjid la sngags kyi gdams pa gtso bor gnang / 'dis rgya ra'i dgon pa btab/ gzhan yang / ba spu ba shes rab tshul khrims kyis phyag sor ba yun ring du bsten/ jo bo nas brgyud pa'i chos skor/ khyad par spyan ras gzigs kyi gdams ngag thams cad ma lus par gnang / lung bstan nas thugs rje chen po bsgrubs pas lo lnga na zhal mthong / theg pa chen po sbyor lam gyi rtogs pa brnyes pa yin gsungs/ ba spu bas 'phags gces sgom shes rab rdo rje dang / mnga' ris pa shes rab rgyal mtshan gnyis la gsungs/ de gnyis tshogs lam chen po ba yin gsungs/ gce sgom gyis thog mar brag lha klu phug tu lo brgyad sgrub pa mdzad nas/ 'phags pa'i zhal dngos su mthong ngo / /bla ma mnga' ris pa la ru mtshams kyi brag phug tu bsgrubs pas zhal mthong bar 'gyur gsungs nas lung bstan te/ bsgrubs pas lo bzhi na zhal mthong / dus rgyun du mi ma yin gyis 'tsho ba drangs gsungs/ de gnyis ka la grub thob skyer sgang pas zhus pas/ lo phyed dang bzhi bsgrubs bas zhal mthong nas/