[A:92a] snyigs ma'i dus su zhal mthong gi brgyud pa mang du 'byung gsungs lung bstan mdzad de/ slob ma yang lnga bcus zhal mthong ngo / /des sangs rgyas gnyan ston la gsungs te/ skyer sgang du dbyar thog dgun thog bcu gsum bzhugs/ gdams ngag gcig brgyud thams cad ma lus par gnang nas/ lo gsum bsgrubs pas/ phyag bzhi pa/ kharsa pa Ni/ bcu gcig zhal/ phyag stong spyan stong rnams zhal mthong / slob ma bcu gcig gis zhal mthong ba'i lung bstan mdzad pa bzhin byung gsungs/ de nas de lta yang brgyud pa ma chad par bzhugs pa dang / gzhan yang nag tsho nas brgyud pa'i chos skor/ gsang ba 'dus ba'i bshad rgyud ye shes rdo rje kun las btus la brten pa'i man ngag la sogs pa 'ga' re gnang ngo / /drug pa de rnams kyis bstan bcos ji ltar mdzad pa ni/ rgyal bas gdul bya'i bsam pa dang rjes su mthun par mdo rgyud kyi gsung rab mtha' yas shig bka' bstsal pa dang / de'i dgongs pa gsal bar mdzad pa'i shing rta chen po rnams kyi bstan bcos rtsod bral du ma zhig mdzad pa de thams cad bka' gdams rin po che'i khungs su byed pa'i gzhung yin la/ de rnams kyi nang nas bslab spyod gnyis/ sa rgyan gnyis/ skyes tshoms gnyis dang drug la bka' gdams gzhung drug ces gsungs pa'i don yang / zab mo lta ba'i rgyud kyi gzhung bsam gyis mi khyab kyang / don bslab spyod gnyis su 'du ba dang / rgya chen spyod pa'i rgyud kyi gzhung bsam gyis mi khyab