[A:92b]kyang / don sa rgyan gnyis su 'du ba dang / skyes rabs kyis bcom ldan 'das kyi sngon gyi mdzad pa las brtsams te/ byang chub sems dpa'i spyod pa/ pha rol tu phyin pa drug dbye ba dang bcas pa'i don nyams su len tshul gsungs pa dang / ched du brjod pa'i tshoms dgra bcom pa chos skyabs kyis mdzad pa/ brjod bya sna tshogs pa tshoms su bsdus nas gsungs pas/ chos spyi la gal che bar dgongs te gzhung drug tu mdzad do/ /bshes gnyen gong ma rnams 'dul spyod gnyis zhes/ 'dul bas lhag pa tshul khrims kyi bslab pa/ spyod 'jug gis byang chub sems dpa'i bslab pa gsum la slob pa ston pas de rnams zab lam rdo rje theg pa'i rten du yang nges par dgos pa la dgongs so/ /gzhan yang jo bo'i chos chung brgya rtsar grags pa'am/ byang chub sems dpa'i spyod pa gtso bor ston pas spyod phyogs brgya rtsa zhes pa'i glegs bam la/ thog mar mchod brjod kyi tshul gyis bstod pa'i skor la/ dkon mchog gsum rjes su dran pa'i mdo/ lha las phul byung bar bstod pa bde byed bdag pos mdzad pa/ bshags pa'i bstod pa tsandra go mis mdzad pa/ yon tan mtha' yas par bstod pa dkon mchog 'bangs kyis mdzad pa/ de'i 'grel pa dang / don bsdus pa'i tshigs bcad phyogs kyi glang pos mdzad pa dang drug skyabs 'gro'i skor la/ skyabs gsum bdun cu pa zla grags kyis mdzad pa/ skyabs 'gro drug bcu pa bi ma la mi tras mdzad pa/