[A:96b]lta bur snang la 'di dngos gzhi la mi the'o/ /gzhan yang lam rim dang / gsung bgros thor bu ba dang / 'phrin yig dang / man ngag sna tshogs pa'i skor ro/ /dang po lam rim la/ po to ba nas brgyud pa/ spyan snga nas brgyud pa/ gsang phu ba nas brgyud pa'o/ /dang po ni/ dol pa dmar zhur gyi be'u bum gyi rtsa tshig dang / de'i 'grel pa lha don stengs pas mdzad pa la/ na bza' las mtshan du gsol ba/ be'u bum sngon po dang / be'u bum dmar po zhes pa lo rgyus/ rtsa ba/ 'grel ba/ sa bcad dang bzhi 'dug pa/ yer pa'i zhang btsun gyis mdzad pa zer yang / zhang yer pa ba dang gnyis gang gis mdzad brtag par bya'o/ /be'u bum khra bo zhes pa bka' gdams kyi gsung bgros sna tshogs pa phyogs gcig tu bsgrigs pa zhig snang ba las/ gcer sgom gyi bka' gdams thor bu ba btus par mngon no/ /dge bshes grab pas mdzad pa'i dpe chos dang / brag dkar bas de nyid rgyas su btang ba gnyis la brten nas gcer sgom gyi dpe chos rin chen spungs pa rtsa 'grel mdzad par grags che la/ 'di'i zhabs su spros bsdus byas zhes pa/ grab pas mdzad pa las cung zad spros/ brag dkar bas mdzad pa'i rgyas pa la bsdus zhes pa'i don no/ /gzhan yang sha ra bas mdzad pa'i lam rim che chung gnyis/ bya 'chad kyi gsung bgros thor bu ba rnams dang / de las brgyud pa blo sbyong gi yig cha che chung dang / se spyil ba'i lam sgron sa bcad/ Tikka/ sbas pa ston gzhon gyi lam rim dang / lam sgron Tikka sogs thor bu ba 'ga' dang / rnal 'byor