[A:100b]gi 'khor du yod pa'i mgon po ce spyang gdong can la glang ri thang pa nas/ rgya lcags ri gang kha ba la brgyud pa'i rjes gnang / las tshogs sogs 'dug la/ mgon po beng la/ jo bo nas brgyud pa gtso 'khor lnga'i rjes gnang dgos sgrub sogs dang / mgon po trag shad la mi 'dra ba mang yang / bka' gdams pa nas brgyud pa/ rkang thang dang / seng zhon du nges pas/ 'di la sgrub thabs/ zhi drag gi las tshogs mang ngo / /nam mkha'i gos can la/ bka' gdams glegs bam nas mched bcu gnyis su gsungs pa ni/ gser mtsho ma dang 'o mtsho ma/ /bstan skyong ma dang yid 'dzin ma/ /stobs mo che dang drag shul can/ /khrag mdog ma dang dud kha ma/ /thogs med ma dang stobs mo che/ /dbang bsdud ma dang las 'joms ma/ /bcu gnyis stobs chen bstan srung kun/ /kho bo'i bstan pa mi skyong na/ /ci ste kho bo'i slad bzhin 'brangs/ /zhes gsungs shing / lam yig las/ mched bzhir gsungs pa ni/ rdo rje shugs chen ma/ 'od ldan ma/ dung skyong ma/ nam mkha'i gos can rnams so/ /mgon po lho nub pa dang / nam mkha'i gos can ni rgya gar nas jo bo'i phyag phyir lugs sku dang / rgya dpe'i dgos kyi bka' srung la byon zhes 'byung la/ nam mkha'i gos can zhes pa sku gcer bu'i don yin yang / rgyan can sogs ni zhal gzigs yin no/ /bya yul gyi lha mo dmar mo ni/ re ma ti mched bzhi'i dbang gi re ma ti yin te/ 'di la tsaNTi dmar mo zhes pa gtum mo dmar mo zhes pa'o/ /gzhan yang sngon gyi skyes chen rnams kyi gsan yig