[A:11a]bstan pa 'di yis skyong / /ces lung bstan pas/ yum gyi bsam pa la pha'i rigs mi 'dzin pa'i bu ma skyes pa dang 'dra zer nas/ mkhan po zla ba'i mgon po la phul/ rab tu byung ste/ mdo rgyud kyi tshig don la sbyangs/ klu sgrub yab sras kyi gsung rab la rten nas mkhas pa chen por gyur/ skye ba lnga brgyar 'phags pa 'jam dpal gyis byin gyis brlabs shing / dngos por 'dzin pa bzlog pa'i phyir ri mor bris pa'i ba la 'o ma 'jos te/ dge 'dun gyi 'tsho ba sbyar zhing / rdo'i ka ba la phyag mi thog pa dang / du ru ka'i dmag byung pa'i tshe/ rdo'i seng ge bskul bas dmag zlog te/ nam mkha' nas lhas/ dpal ldan zla ba grags pa yis/ /stobs ldan rdo yi seng ge bskul/ /du ru ka yi dmag tshogs zlog /shi rmas med pa ngo mtshar che/ /zhes bstod pa des/ rtsa shi'i 'grel pa tshig gsal/ gsang 'dus 'grel pa sgron gsal te gsal ba rnam gnyis su grags pa dang / 'jug pa rtsa 'grel la sogs pa'i bstan bcos mang du mdzad cing / bshad sgrub kyi bstan pa rgyas par mdzad nas lo bzhi brgya'i bar du bzhugs so/ /slob dpon 'di 'phags pa klu sgrub kyi dngos kyi slob ma yin min la/ bstan pa'i bdag po rje btsun sa skya pa rnams/ jo bos/ klu sgrub slob ma zla grags yin/ /zhes pa'i don klu sgrub kyi dgongs pa skong ba'am/ chos kyi rgyud pa 'dzin pa'i mchog la dgongs kyi dper na dbang phyug sde bar na yod kyang / phyogs glang chos grags ces bgrang pa dang 'dra zhes gsungs shing /